RIVOLUZZJONI GDIDA FIS-SETTUR TAT-TELEKOMUNIKAZZJONI
minn Censu Galea
Ministru tal-Kompetittivita’ u l-Komunikazzjoni

Il-Gvern qieghed fil-process li jiffinalizza l-politika tieghu fir-rigward ta’ diversi aspetti tas-settur tat-telekomunikazzjoni li, fl-isfond tal-bidliet globali, jridu jigu applikati wkoll ghal Pajjizna. Ser tigi mnedija dalwaqt, flimkien mal-Ministeru tal-IT u t-Teknologija, l-istrategija tal-broadband, u dalwaqt dawk tal-power line u t-teknologija tal-fixed wireless access. Dan kollu fil-qafas tal-ligi l-gdida tat-telekomunikazzjoni li pprezentajt lill-Parlament ftit tal-jiem ilu.

Il-process tal-publikazzjoni tal-politika li se nimxu fuqha, u li jkopri l-aspetti varji tat-telekomunikazzjoni moderna, gie pprezentat il-gimgha l-ohra waqt konferenza stampa li ndirizajt flimkien mal-Awtorita’ tal-Komunikazzjoni u li ffukat fuq l-izviluppi li qeghdin isehhu madwarna llum il-gurnata.

Is-settur tat-telekomunikazzjoni f’pajjizna qieghed ikun kontinwament aggornat sabiex jirrifletti l-impenn ta’ Malta sabiex naslu ghal ambjent socjali u ekonomiku bbazat fuq l-informazzjoni. L-izvilupp importanti tal-liberalizazzjoni tas-settur tat-telekomunikazzjoni, li kien nieda dan il-Ministeru, qieghed jikkontribwixxi sabiex iwassalna ghal zvilupp shih fi hdan id-diversi aspetti ta’ dan is-settur. Din hi c-cavetta sabiex inkabbru l-livelli ta’ produzzjoni taghna u li tkun ukoll ikomplimentata mit-tishih tal-kompetittivita’ ta’ Pajjizna.

Ghalhekk dan is-settur ghandu rwol strategiku x’jilghab sabiex ikun f’pozizjoni li jwassal servizzi inovattivi biex jippermettu lis-socjeta u lill-ekonomija in generali jirrealizzaw il-beneficcji ta’ socjeta’ moderna bbazata fuq it-tixrid tal-informazzjoni.

Illum Pajjizna jiftahar li l-livell ta’ penetrazzjoni, jew uzu, tal-broadband, li hi sistema moderna u veloci ghal access fl- internet, lahaq livell ta’ 7.7%. Dan jaqbez il-medja ta’ pajjizi ohra li ghadhom kemm issiehbu fl-Unjoni Ewropea li ghandhom livell ta’ 6.1 %. L-istrategija li se jaddotta l-Gvern fil-qasam tal-broadband se tigi pprezentata dalwaqt, u dan bis-sahha tal-hidma u konsultazzjoni ma taqta xejn bejn dan il-Ministeru, l-Awtorita’ tal-Komunikazzjoni u l-Ministeru tal-IT u l-Investiment.

Fil-qasam tat-trasmissjonijiet jew xandir digitali, li ukoll hu aspett gdid fis-settur tat-telekomunikazzjoni, erba’ kumpaniji diga urew l-interess taghhom sabiex iniedu dawn l-operazzjonijiet f’pajjizna.

Illum il-gurnata l-uzu tat-telefonija cellulari m’ghadiex lussu jew kapricc izda bzonn ta’ kuljum. L-uzu kbir ta’ dan is-servizz juri bic-car li eluf ta’ Maltin u Ghawdxin illum qeghdin jisfruttaw bil-kbir, ghall-ahjar beneficcju taghhom, kull opportunita gdida li tigi pprezentata lilhom fis-suq tat-telekomunikazzjoni. F’dan il-qasam tezisti wkoll sistema hafna aktar moderna ta’ kif tithaddem it-telefonija cellulari. Fi kliem tekniku minn sistema 2G (tat-tieni generazzjoni), li qeghda tintuza llum, jehtieg nimxu ghal dik 3G – tat-tielet generazzjoni. F’dan ir-rigward l-operaturi lokali huma diga kommessi ghall-bidla tas-sistema l-gdida, waqt li ohrajn ukoll qeghdin juru nteress.

Zvilupp kontinwu fis-settur tat-telekomunikazzjoni, ikkumplimentat minn bidliet tekonologici li qeghdin isehhu madwarna ta’ kuljum, igibulna quddiemna numru ta’ sfidi li jridu jigu ndirizzati. Dawn huma mhux biss ir-responsabbilita’ tal-Gvern, izda jridu jingarru wkoll minn dawk li b’xi mod jew iehor ghandhom rwol importanti hafna f’dan is-settur. Hi r-responsabbilita’ taghna lkoll li nassiguraw li jkollna suq gust u kompetittiv, li fl-istess hin johloq bilanc bejn l-interessi tal-konsumatur, u dawk ta’ min qieghed jinvesti.

Din hi t-triq li ghadna quddiemna; triq li tindikalna bl-aktar mod car il-prioritajiet taghna bhala pajjiz. Dawn ukoll huma essenzjali sabiex insahhu l-kompetittivita’ ta’ Pajizna, ghaliex kull element hu vitali biex nilhqu dan il-ghan. Il-kompetittivita hi ta’ prijorita ghall-Gvern, ghax gharafna li Pajjizna kapaci jahtaf u jisfrutta l-opportunitajiet kollha li jigu pprezentati lilu biex juzahom ghall-ahjar tieghu.

Din hi l-politika taghna, u fuq dan qeghdin inkomplu nahdmu sabiex dejjem naghtu lill-poplu taghna dak li jisthoqqlu bhala nazzjon.