Zvilupp marittimu fin-naha ta’ fuq ta’ Malta

minn
Censu Galea
Ministru ghall-Kompetittivita’ u Komunikazzjoni

Il-Gvern bhalissa qieghed ihejji studju dettaljat biex fil-futur qarib iniedi progett gdid ghal Yacht Marina fin-naha ta’ fuq ta’ Malta. Dan l-istudju li jidentifika il-bajja tax-Xemxija bhala l-aktar post adattat ghal dan l-izvilupp, hu sforz tal-hidma kontinwa mill-Gvern Nazzjonalista biex jaghti spinta lin-naha ta’ fuq ta’ Pajjizna, u wara l-esperjenza pozittiva ta’ yacht marinas ohrajn jaddotta l-istess strategija ghal dan ir-regjun.

Il-potenzjal ta’ pajjizna fil-qasam marittimu hu wiehed kbir. Il-pozizzjoni geografika taghna bhala gzira mdawra bil-bahar, f’nofs il-Mediterran, taghtina l-ghodda kollha necessarji sabiex tassew nizviluppaw lil Malta bhala centru marittimu fis-setturi kollha, filwaqt li nzidu fil-kompetittivita’ taghna bhala pajjiz f’dan il-qasam.

B’dan f’mohhna, kemm il-Ministeru Tal-Kompetittivita’ u Komunikazzjoni li hu direttament responsabbli ghall-affarijiet marittimi flimkien mal-Awtorita’ Marittima Maltija, ghandhom l-intenzjoni li jmexxu ‘l quddiem dan il-koncett importanti u nahdmu bis-shih, ghall-izvilupp ta’ progett marittimu fix-Xemxija.

Yacht marina f’dawn l-inhawi ma sserviex biss bhala attrazzjoni gdida ghas-sidien ta’ dghajes u yachts, mghammra b’facilitajiet moderni ghall-uzu taghhom, izda sservi wkoll bhala kontribut addizzjonali ghall-ekonomija ta’ pajjizna. Aktar u aktar la jsir l-zvilupp f’din iz-zona, awtomatkament jigi affetwat b’mod pozittiv ir-rigenerazzjoni u l-valur tal-inhawi ta’San Pawl il-Bahar, ix-Xemxija u l-Mellieha fost l-ohrajn. Kif qal il-Prim Ministru Lawrence Gonzi stess, l-izvilupp tal-yacht marina tal-Kottonera, ghenet bis-shih ir-rigenerazzjoni tal-attivita’ ekonomika u socjali fl-inhawi tal-madwar, u hekk ukoll ghandu jaghmel dan il-progett gdid.

Id-domanda ghal yacht marinas ezistenti hu wiehed kbir hafna, mhux biss lokalment izda wkoll minn barranin li jzuru pajjizna. Din id-domanda qeghda tizdied u qieghed jizviluppa suq gdid, dak li nirreferu ghalih bhala niche market, fi hdan is-settur turistiku Malti. Jehtieg ghalhekk nimxu ma’ dawn iz-zminijiet u nwettqu l-bidliet li hemm bzonn biex inlahhqu man-necessitajiet tal-llum. Dan billi noffru l-aktar pakkett ta’ kwalita’ gholja izda bi prezz ragonevoli lil min irid jaghmel uzu mis-servizzi li joffri pajjizna.

Il-Kompetittivita’ tezisti hawn ukoll. Ma nistghux nibqghu lura, izda rridu ninbidlu maz-zminijiet u nassiguraw ruhna li qeghdin ma’ ta’ quddiem. Ir-realta’ tal-Unjoni Ewropea fethet hafna possibilitajiet godda u pozittivi ghal pajjizna li minnhom successi biss nistghu niehdu. Jehtieg ghalhekk li nisfruttawhom sal-massimu taghhom ghall-beneficcju taghna lkoll, u fl-interess ta’ pajjizna.

Dan kollu hu biss il-bidu tal-qafas ta’ strategija ghal zvilupp aggornat u kontinwu fil-qasam marittimu taghna. Perswaz li hekk kif jintemmu l-istudji kollha u l–Awtorita’ Marittima Maltija tohrog l-applikazzjonijiet ghall-offerti, ikun hemm interess kbir ghall-izvilupp ta’ dan il-progett, u nhares b’ottimizmu ‘l quddiem ghal meta dan isehh.

Habbart ftit tal-gimghat ilu riforma fil-portijiet taghna. Riforma, li se tkun ikkritika minn hafna. Dawn izda huma l-hafna li ghandhom interessi diretti li huma differenti minn dawk nazzjonali. Wasal iz-zmien li naghmlu tassew mill-portijiet taghna, centri kompetittivi li jistghu ihabbtuha ma’ portijiet ohra Mediterranji u Ewropej. Wasal iz-zmien li ssehh bidla fil-mentalita u l-kultura ta’ dawk li jipprovdu s-servizzi billi jaghrfu li ghandhom joffru l-ahjar servizz, bl-aktar prezz kompetittiv. Din hi l-politika tal-Gvern prezenti. Irridu nassiguraw li hadd ma jfixkilna jew izommna lura milli nwettquha.